Azam Fc imeibuka kidedea na kufanikiwa kubeba alama zote tatu katika mchezo wa ligi kuu dhidi ya Singida Fountain Gate Fc baada ya kuifunga timu hiyo kwa mabao 2-1 katika mchezo wa ligi kuu ya Nbc uliofanyika katika uwanja wa Chamazi jijini Dar es salaam.
Azam Fc ilianza kupata bao la mapema dakika ya 10 lililofunga na Cheikh Sidibe kwa shuti kali la faulo lililomshinda kipa Beno Kakolanya ambapo baada ya bao hilo Azam Fc waliukamata mchezo huku Singida FG wakijitahidi kusawazisha bila mafanikio huku Prince Dube akikosa nafasi kadhaa za wazi.
Kipindi cha pili Marouf Tchakei alifunga bao la kusawazisha kwa shuti kali nje ya 18 lililojaa wavuni moja kwa moja huku Singida FG nao wakirudi mchezoni lakini kukosa umakini kwa Bruno Gomez,Duke Abuya na Elvis Rupia.
Azam FC walilazimika kuzitumia vyema dakika tano za nyogeza ambapo Idd Nado alifunga bao kwa kichwa baada ya kutokea piga nikupige langoni mwa timu ya Singida FG ambapo bao hilo lilidumu mpaka mpira ulipomalizika.
Sasa Azam Fc nao wanafikisha alama tisa katika nafasi ya tatu ya msimamo huku Yanga sc wakiwa kileleni na Simba sc katika nafasi ya pili huku Singida FG wakiangukia katika nafasi ya 12 wakiwa na alama mbili katika michezo mitatu.
