Geita Gold Fc Yaihamishia Simba sc Kirumba

Klabu ya Geita Gold Fc imetangaza kuwa mchezo wake wa ligi kuu dhidi ya Simba sc utafanyika katika uwanja wa Ccm Kirumba jijini Mwanza badala ya ule wa Nyakumbu mkoani Geita.

Mchezo huo umehamishiwa Ccm Kirumba kutokana na ukubwa wa mchezo huo ambao utavutia mashabiki wengi kuingia uwanjani huku ukitarajiwa kuchezwa siku ya Jumapili Mei 22.

Uwanja huo pia ulitumika katika mchezo wa Geita Gold dhidi ya Yanga sc ambapo Geita Gold Fc ililala kwa 1-0 lililofungwa na Fiston Kalala Mayele.