Rais wa Jamhuri ya Muungano wa Tanzania Mhe.Dk Samia Suluhu Hassan amenunua tiketi zote za mchezo baina ya Timu ya Taifa ya Tanzania dhidi ya Guinea wa kuwania kufuzu michuano ya mataifa ya Afrika mwaka 2025 nchini Morocco.
Rais Samia amenunua tiketi hizo ili kutoa fursa kwa mashabiki kuingia bure ikiwa ni moja ya mkakati wa kuongeza hamasa katika mchezo huo utakaofanyika siku ya Jumanne Novemba 19 katika uwanja wa Benjamin Mkapa jijini Dar es Salaam ambapo Stars ikishinda basi itakua imekata tiketi moja kwa moja kushiriki michuano hiyo mikubwa barani Afrika.
Katika msimamo wa kundi H Congo Dr imefuzu ikiwa na alama 12 huku Guinea ikiwa nafasi ya pili ya msimamo na alama 9 na Taifa Stars ipo nafasi ya tatu na alama 7 huku Ethiopia ikiwa na alama 1 mkiani ambapo endapo Stars ikishinda basi moja kwa moja itafuzu katika kundi hilo kama mshindi wa pili lakini ikipata sare ama kufungwa basi haitofuzu.
Tayari Kocha wa Taifa Stars Hemed Morocco amewaijumuisha mastaa wazoefu kama Mbwana Samata na Saimon Msuva ambao walikua chachu ya ushindi dhidi ya Ethiopia ugenini nchini Congo Dr.
