Klabu za Simba sc na Al Hilal Fc ya Sudan zimeonyesha nia ya kumsajili mshambuliaji Prince Dube wa klabu ya Azam Fc baada ya kutuma ofa katika klabu hiyo ambayo siku za karibuni imeingia katika mgogoro wa kimkataba na mchezaji huyo.
Taarifa rasmi iliyotolewa na Azam Fc imeonyesha kuwa klabu hiyo imepokea rasmi ofa kutoka vilabu hivyo vikiwa na nia ya kumsajili mfungaji huyo lakini mpaka sasa ofa hizi zinajadiliwa huku pia klabu hiyo imezialika klabu nyingine zenye nia ya kumsajili kuwasilisha ofa zao.
Mpaka sasa haijafahamika kama klabu ya Yanga sc nayo itawasilisha ofa kumtaka staa huyo ambaye inahusishwa nae kutaka kumsajili ama la huku nia ya mchezaji huyo ikiwa ni kuwa huru na sio kusajiliwa na klabu nyingine moja kwa moja.
Dube ambaye ana mkataba wa miaka miwili na nusu kusalia Chamazi tayari ameondoka klabuni hapo baada ya kuwasilisha barua ya kuvunja mkataba akidai kutokua na furaha kuendelea kuitumikia klabu hiyo kutokana na kutokua na njaa ya mataji.
