Timu ya Los Angels Lakers imemsaini mchezaji mpya wa nafasi ya ulinzi Chris Mañon kwa mkataba wa miaka miwili baada ya kuonesha uwezo wake kwenye ligi za majira ya joto za Golden State Warriors yanayoendelea nchini marekani.
Lakers walikubaliana na Mañon Alhamisi hii kuhusu dili hilo la staa huyo ambaye alicheza msimu uliopita kwenye chuo cha Vanderbilt baada ya kutumia miaka mitatu kwenye chuo cha Cornell ambapo katika misimu yake yote minne ya chuo, aliwahi kufunga wastani wa vibao 1.7 kwa kila mchezo.
Baada ya kutochaguliwa kwenye drafti hilo Mañon aliichezea Warriors kwenye mashindano ya California Classic huko Las Vegas mwezi huu, akivutia macho kwa uchezaji wake mzuri kwenye mashambulio na ulinzi.
Mañon alifunga pointi 8, kupata rebound 3,na kufanikiwa kukamata mpira mara 3, na kuzuia mipira mara mbili 2 wakati Warriors walipoishinda Lakers kwenye mchezo wa kwanza wa California Classic.
Kwa ujumla msimu uliopita,alimaliza ligi za majira ya joto kwa wastani wa pointi 9.0, rebound 4.3, asisti 1.9, kukamata mpira 1.6, na kuzuia risasi 1.4 katika michezo saba.
Lakers walimrudishia mkataba wa miaka miwili mchezaji mrefu Christian Koloko mapema wiki hii. Mkataba wa Mañon unawaacha na nafasi moja tu ya mkataba wa miaka miwili kwa sasa kati ya mastaa wanaokaribia kumaliza mikataba klabuni hapo.
