37
Antonio Conte yupo kwenye hatihati ya kubebeshwa virago vyake ndani ya Inter Milan baada ya kupigwa kichapo cha mabao 3-2 na Sevilla usiku wa kuamkia leo Uwanja wa Rhein Energie Stadion,na kupoteza taji la Europa League mazima.
Kocha huyo aliambulia kadi ya njano baada ya kuingia kwenye mzozo na mchezaji wa Sevilla,Ever Banega baada ya kujibizana kuhusu masuala ya nywele.
Mabao ya Inter Milan yalifungwa na Lukaku dakika ya 5 kwa penalti na Diego Godin alipachika dakika ya 35 huku yale ya Sevilla yakifungwa na Luuk de Jung dakika ya 12 na 33 na lile la ushindi la kujifunga Lukaku ilikuwa dakika ya 74.
