14
Yanga Sc imetoa maamuzi ya kumbadilisha kocha mpya ambaye ni mrundi,Cedric Kaze aliyetarajiwa kutua bongo siku za karibuni kujiunga na wanasoka hao ili kuwanoa tayari kwa mchuano wa Jumapili wa siku ya wananchi na katika msimu ujao wa ligi kuu bara 2020/2021.
Kaze alikuwa anatarajiwa kuja ndani ya wiki hii kuchukua mikoba ya Luc Eymael raia wa Ubelgiji ambaye alifutwa kazi rasmi Julai 27 kutokana na vitendo vya ubaguzi ila kutokana na kuomba aongezewe wiki tatu mbele,uongozi umeshindwa kumvumilia hivyo kutafuta kocha mwingine.
Uongozi wa Yanga Sc umeshafanya kikao cha dharura leo jioni ili kumpata kocha mwingine kupitia barua ambazo zilitumwa na makocha kuhitaji kazi ndani ya Yanga ili aendelee kunoa kikosi chao kuelekea msimu ujao wa ligi.
