21
Aliyekuwa kocha mkuu wa Simba Sc kwa msimu wa 2019/2020,Patrick Aussems amepata dili la kuinoa Black Leopard ya Afrika Kusini kwa kipindi cha miaka mitatu.
Aussems raia wa Ubelgiji akiwa ndani ya Simba alifanikiwa kutwaa taji la ligi kuu bara msimu wa 2018/2019 na kukiongoza kikosi hicho kutinga hatua ya robo fainali ya ligi ya mabingwa Afrika.
Simba ilimfungashia virago kocha huyo kutokana na kile kilichoelezwa kuwa alishindwa kusimamia nidhamu ndani ya kikosi hicho.
Patrick anatarajia kuwasili nchini Afrika Kusini wiki ijayo kwa ajili ya kuanza kazi ya kukinoa kikosi hicho ambacho kwa msimu wa 2019/20 ilimaliza ligi kuu ya Afrika Kusini ikiwa nafasi ya 15 na pointi zake 29 baada ya kucheza mechi 30.
