Beki Israel Mwenda amemalizana na Klabu ya Simba Sc na sasa rasmi si mchezaji wa klabu hiyo baada ya kurejesha pesa zote alizochukua kama dau la usajili msimu huu.
Mchezaji huyo alisaini mkataba mpya wa miaka miwili kuendelea kusalia Simba sc ambapo baada ya muda aliamua kutafuta timu nyingine ili kuondoka klabuni hapo na Viongozi wa Klabu hiyo walikua tayari kumuachia kwa sharti la kurudisha pesa ya kusainia mkataba ambayo alikua amelipwa yote kwa mkupuo.
Tayari mchezaji huyo ameshakubaliana maslahi na Singida Big Stars ambao wamelipia pesa hizo kwa Simba sc na tayari mchezaji huyo ameshasaini mkataba na Klabu hiyo akienda kuchukua nafasi ya Kelvin Kijiri ambaye amejiunga na Simba sc.
Sababu kubwa ya beki huyo kuachana na Simba sc inatajwa kuwa ni kutokana na maelewano hafifu baina yake na Shomari Kapombe ambaye wanacheza eneo moja la beki wa kulia.
Mwenda alijiunga na Simba sc msimu wa 2021 akitokea klabu ya Alliance Fc akienda kusaidia na Kapombe eneo la beki wa kulia.
