Klabu ya Yanga imesaini mkataba wa ushirikiano na kampuni ya La liga inayosimamia ligi kuu ya nchini Hispania jana jijini Dar es salaam kuelekea mfumo wa mabadiliko ya uendeshaji wa klabu.
Mwenyekiti wa Klabu ya Yanga Dk.Mshindo Msolla na Mkurugenzi wa Uwekezaji wa Kampuni ya Gsm Eng.Hersi Said wakisaini Mkataba wa Ushirikiano na Kampuni ya La liga jana jijini Dar es salaam.
Mkataba huo utajumuisha klabu hiyo na kampuni hiyo ya La liga huku kampuni ya Gsm ikiwa kama mlipaji mkuu wa gharama hizo zinazokadiliwa kufika shilingi bilioni 2 ambapo zitalipwa kwa awamu nne.
Pia katika mkataba klabu hiyo itashirikiana na klabu ya Sevila inayoshiriki ligi kuu nchini Hispania katika mambo mbalimbali ya kiufundi,utendaji pamoja na kusaka vipaji na kuviendeleza.
Akizungumza wakati wa hafla hiyo Afisa Mhamasishaji wa klabu hiyo Antonio Nugaz alisema kuwa katika mabadiliko hayo idara ya kwanza kuathirika ni idara ya utawala pamoja na ushirikishaji wanachama(Fans Engagement).
🎯 Usipitwe!
Kuwa wa kwanza kupata habari za moto za michezo nchini Tanzania na duniani kwa ujumla, moja kwa moja kwenye barua pepe yako kutoka SportsLeo Bongo!
- ✅ Matokeo ya mechi
- ✅ Uchambuzi wa kina
- ✅ Habari za ndanii ya timu zako pendwa
✉️ Quality content, no spam. Unsubscribe anytime.
Mgeni rasmi katika sherehe hiyo alikua Rais Mstaafu Mhe.Jakaya Mrisho Kikwete aliyeambatana na Naibu Waziri wa Ajira,kazi na vijana Mhe.Anthony Mavunde huku pia Wallace Karia Rais wa shirikisho la soka nchini pia alikuwepo sambamba na watu maarufu mbalimbali.
