56
Baada ya kutofunga kwa takribani mechi nne mshambuliaji Fiston Kalala Mayele amefanikiwa kufunga bao la 13 la ligi kuu msimu huu na kumfikia George Mpole wa Geita Gold SC ambaye alikua kinara wa mabao.
Mayele alifunga bao hilo dakika ya 34 katika mchezo dhidi ya Mbeya kwanza FC akiunganisha krosi ya Salum Abubakari ambaye aliwahadaa walinzi na kupiga krosi ya bao hilo ambalo Mayele alifunga kwa kichwa.
Katika mchezo huo Yanga sc jumla iliibuka na ushindi wa mabao 4-0 huku ikifikisha jumla ya alama 63 katika michezo 25 ya ligi kuu huku ikisaliwa na michezo 5 ya ligi kuu ya Nbc nchini.
