Kocha wa zamani wa Yanga Mwinyi Zahera ameonyesha kukubaliana na mbinu za kocha mpya wa klabu ya Yanga Luc Aymael ambaye amejiunga na klabu hiyo hivi karibuni.
Kocha huyo Mbeligiji ni kocha aliyekuja kuchukua nafasi ya Zahera baada ya kuwa imekaimiwa na Bonifasi Mkwasa kwa miezi kadhaa tangu Zahera atimuliwe.
Akihojiwa na baadhi ya vyombo vya habari nchini Zahera alikubaliana na mbinu za kocha huyo huku akisisitiza ni suala la muda tu ili wachezaji wazimudu.
“Nimpongeze kocha kwa kuiwezesha Yanga kucheza mpira mzuri na wakuvutia tofauti na mchezo wao uliopita, naamini kama kocha atapewa nafasi ya kufanya kazi yake watakuwa na kikosi bora kwa misimu ijayo,” amesema Zahera
“Binafsi sikushangaa matokeo yao ya awali walipofungwa na Kagera Sugar, nilijua ni ugeni wa mbinu za kocha kwa wachezaji, lakini kwa sababu wachezaji wengi nawajua nilikuwa na matumaini ya kubadilika kwa kikosi katika mechi zinazokuja, kocha anastahili pongezi hizi”
🎯 Usipitwe!
Kuwa wa kwanza kupata habari za moto za michezo nchini Tanzania na duniani kwa ujumla, moja kwa moja kwenye barua pepe yako kutoka SportsLeo Bongo!
- ✅ Matokeo ya mechi
- ✅ Uchambuzi wa kina
- ✅ Habari za ndanii ya timu zako pendwa
✉️ Quality content, no spam. Unsubscribe anytime.
Aidha Mcongomani huyo amesifu usajili wa kiungo mshambuliaji Bernard Morrison ambapo amesema mchezaji huyo atakuwa na mchango mkubwa kwenye kikosi cha mabingwa hao wa kihistoria
“Nimemuona mchezaji wao mpya waliomleta juzi (Morrison), ni mchezaji mzuri sana, Nadhani kama kocha ataweza kumtumia vizuri, atawasaidia”
“Mchezaji huyu akitumika vizuri pamoja na Molinga nadhani watafunga mabao mengi”Alisema Zahera ambaye yupo nchini kwa mapumziko.
