Uongozi wa klabu ya Azam fc hatimaye wamekubali ombi la kiungo wao Salum Abubakar ‘’sure boy’’ kuondoka katika klabu hiyo yenye makazi yake Chamazi nje kidogo ya Jiji la Dar es salaam baada ya kuitumikia kwa muda mrefu tangu alipojiunga nayo mwaka 2007.
Hayo yamethibitishwa na Afisa habari wa Azam fc Zaka Zakazi akisema kuwa wamepokea bbarua rasmi ya mchezaji huyo kupitia kwa mtendaji mkuu Nurdin Popat ambaye aliipeleka kwa wanasheria wao walioipitia kwa kuangalia vipengele vya mkataba.
Baada ya hapo walipelekea ombi hilo kwa bodi ya klabu hiyo ambayo wamekubali bila kinyongo kusitisha rasmi mkataba wa mchezaji huyo mwandamizi ndani ya kikosi hicho,hatua hiyo ya kumuachia huru bila gharama yoyote ni kulipa fadhila kwa mchezaji huyo kwa kuitumikia klabu hiyo kwa mafanikio makubwa.
Zaka Zakazi amesema kuwa Sure Boy ataendelea kuwa nembo ya timu hiyo na siku zote ataendelea kuwa kijana wao hivyo wameamua kuachana pasipo kuwa na shari,pia wamemtakia kila la kheri huko anakoenda.
🎯 Usipitwe!
Kuwa wa kwanza kupata habari za moto za michezo nchini Tanzania na duniani kwa ujumla, moja kwa moja kwenye barua pepe yako kutoka SportsLeo Bongo!
- ✅ Matokeo ya mechi
- ✅ Uchambuzi wa kina
- ✅ Habari za ndanii ya timu zako pendwa
✉️ Quality content, no spam. Unsubscribe anytime.
Mchezaji huyo anaenda kujiunga na Yanga katika dirisha hili dogo la usajili,timu ambayo ilitumikiwa na baba yake mzazi mzee Abubakar Salum,na usajili wake ni kutimia kwa ndoto za wanachama na mashabiki wa Yanga ambao walitamani kijana huyo arejee nyumbani.
