Kocha wa mpya wa Simba Sc Abdelhak Benchikha ameingia katika orodha ya makocha watatu bora wanaowania tuzo za CAF 2023 ambazo zitafanyika Jumatatu Desemba 11 jijini Marakechi nchini Morocco.
Kocha huyo amefanikiwa kuingia katika hatua ya fainali akishindana na Walid Regraui ambaye ni kocha wa timu ya Taifa ya Morocco na Alidu Cisse ambaye ni kocha wa timu ya taifa ya Senegali kuwania tuzo hiyo.
Benchika ameingia katika tatu bora baada ya kuwa na msimu mzuri uliopita akiwa kocha wa klabu ya Usm Algers ambapo alifanikiwa kutwaa mataji ya kombe la Shirikisho akiifunga Yanga sc pamoja na kombe la super Cup alipomfunga 1-0 Al Ahly Fc.
Msimu huu kocha huyo amejiunga na klabu ya Simba sc kwa mkataba wa miaka miwili ambapo kazi yake ya kwanza ni kurudisha kiwango cha timu hiyo ambayo imekua na matokeo ya kusuasua huku ikiwa na ndoto ya kufika nusu fainali ya michuano ya klabu bingwa barani Afrika.
