Kufuatia kuifunga kwa mabao 3-0 klabu ya Simba sc imezamisha moja kwa moja jahazi la timu ya Ruvu Shooting kufuatia kushindwa kupata alama tatu katika mchezo huo huku ikiwa mkiani mwa msimamo wa ligi kuu nchini.
Kutokana na matokeo hayo imethibitika moja kwa moja kuwa Ruvu shootinga wameshuka daraja licha ya kuwa na michezo miwili mkononi wakiwa na alama 20 pekee katika michezo 28 ya ligi kuu nchini waliyocheza mpaka sasa.
Katika mchezo huo uliofanyika katika uwanja wa Chamazi Complex Dar es salaam mabao ya Simba sc yalifungwa na Cletous Chama dakika ya 30 huku Pape Osmane Sakho akifunga mabao mawili dakika za 72 na 90+3.
Simba sc sasa imefikisha alama 68 ikiwa katika nafasi ya pili ya msimamo wa ligi kuu nchini huku tayari Yanga sc ikiwa imefanikiwa kutwa ubingwa wa ligi kuu nchini kwa mara ya 29.
Ruvu shooting wameshuka daraja huku Polisi Tanzania nayo ikiwa hatarini kushuka daraja ambapo italazimika kushinda michezo yake mitatu iliyosalia huku ikiziombea mabaya Mtibwa Sugar na Kmc zilizo juu yake katika msimamo wa ligi kuu nchini.
