Kiungo wa Tottenham Victor Wanyama yuko mbioni kujiunga na timu ya Club Bruge ya Ubelgiji baada ya timu hiyo kukubaliana dau la paundi milioni 9 ili staa huyo ajiunge na timu hiyo inayoshiriki ligi kuu ya nchi hiyo (Jupiler Pro).
Staa huyo mzaliwa wa Kenya hana budi kuihama timu hiyo baada ya kukosa namba mbele ya viungo Harry Winks na Tanguy Ndombele aliyenunuliwa kwa dau la paundi milioni 52 huku majeruhi yakitajwa kuwa chanzo cha kukosa namba kikosini.
Wanyama alijiunga na Tottenham mwaka 2016 akitokea Southampton iliyomununua kutoka Celtic na baadae ikamuuza kwa dau la paundi milioni 11 kwa klabu hiyo yenye makao makuu jijini London.
🎯 Usipitwe!
Kuwa wa kwanza kupata habari za moto za michezo nchini Tanzania na duniani kwa ujumla, moja kwa moja kwenye barua pepe yako kutoka SportsLeo Bongo!
- ✅ Matokeo ya mechi
- ✅ Uchambuzi wa kina
- ✅ Habari za ndanii ya timu zako pendwa
✉️ Quality content, no spam. Unsubscribe anytime.
