21
Kiungo wa kimataifa wa Uganda na klabu ya Yanga Khalid Aucho atawasili nchini hii leo akitokea Uganda ambako alikwenda kwenye majukumu ya timu ya Taifa ya Uganda (The Cranes).
Aucho alikuwa Uganda kwenye majukumu ya timu ya taifa lakini hata hivyo hakufanikiwa kuitumikia timu taifa kufuatia majeraha madogo ambayo aliyapata akiwa huko yaliyolifanya benchi la ufundi la timu ya taifa kuamua kuacha kumchezesha ili kumpa muda wa kupumzika.
Mwalimu msaidizi wa Yanga Cedric Kaze amethibitisha kuwa kiungo huyo atawasili leo na atajiunga kambini moja kwa moja ili kujiandaa na mchezo wa ligi kuu dhidi ya Azam Fc utakaofanyika siku ya Jumatano Aprili 6 katika uwanja wa Chamazi jijini Dar es salaam.
