Klabu ya Manchester City imezishinda klabu ya Barcelona na Real Madrid kuwania saini ya mshambuliaji wa klabu ya Borrusia Dortmund Erlin Halaand baada ya kukubaliana na klabu ya Borrusia Dortmund kumsaini staa huyo kwa dau linalokadiriwa kufikia kiasi cha paundi milioni 50.
Awali klabu ya Real Madrid ilikua mstari wa mbele kukamilisha dili hilo lakini Man city wamewapiga bao na kutangaza usajili huo wa Halaand ambaye atakwenda kulipwa dola 375,000 kwa wiki huku akiingia katika orodha ya mastaa wanaolipwa zaidi klabuni hapo sambamba na Kelvin De Bryne.
Tayari Man city imetangaza kukamilika kwa dili hilo huku staa huyo akitarajiwa kujiunga na timu hiyo mwezi julai mwaka huu katika kipindi cha majira ya joto huku kocha Pep Guardiola akipata nafuu baada ya mabosi wa klabu hiyo kushindwa kukamilisha dili la mshambuliaji wa Tottenhan Hotspurs Harry Kane msimu uliopita.
