Klabu ya Yanga sc imefanikiwa kuibuka na ushindi wa mabao 3-2 dhidi ya Mafunzo Fc katika mchezo wa kirafiki uliofanyika katika uwanja wa Azam Complex Chamazi jijini Dar es salaam.
Yanga sc iliiingia katika mchezo huo ikiwa na wachezaji wengi ambao hawatumiki mara kwa mara akiwemo Kipa Eric Johora,Paulo Godfrey huku mabeki wa kati wakicheza Ibrahim bacca na Yassin Mustapha pamoja na David Bryson aliyecheza upande wa kushoto huku Hertier Makambo na Balama Mapinduzi wakiongoza eneo la ushambuliaji.
Mafunzo walikua wa kwanza kupachika bao zuri dakika ya 9 likifungwa na Ahmed huku Yanga sc wakisawazisha kupitia kwa Balama Mapinduzi dakika ya 19 huku Hertier Makambo akifunga bao la pili dakika ya 52 bao ambalo lilisawazishwa na Abdulhakim dakika ya 55 kwa faulo iliyopatikana kutokana na uzembe wa beki Yassin Mustapha huku Msumari wa tatu kwa Yanga sc ukifungwa na Fiston Kalala Mayele kwa penati baada ya Yanick Bangala kufanyiwa faulo.
Yanga sc imeendelea kujiandaa na michezo migumu inayofuata ya ligi kuu dhidi ya Azam Fc na Simba sc ambayo itaamua hatma ya ubingwa msimu huu huku pia wakikabiliwa na mchezo dhidi ya Geita Gold Fc wa kombe la shirikisho.
