Mganda Emmanuel Okwi amesaidia timu yake ya taifa kuibuka na ushindi wa magoli mawili kwa bila dhidi ya Kongo inayonolewa na kocha wa Yanga sc Mwinyi Zahera ambaye anamsaidia Frolent Ibenge ambaye ni kocha mkuu wa timu hiyo.
Uganda walionyesha kujiamini toka mwanzo wa mchezo na kufanikiwa kufanya mashambulizi kadhaa na iliwachukua dakika 14 za kipindi cha kwanza kupata goli la ufunguzi lililofungwa na Patrick Kaddu mwenye umri wa miaka 23 anayeichezea timu ya Kcca ya nchini kwao Uganda.
The Cranes waliendelea kulishambulia lango la wakongo na hatimaye muuaji Emmanuel Okwi alifanikiwa kuipa Uganda bao la pili dakika ya 48 baada ya kutoka mapumziko.
Kwa ushindi huo Uganda imekaa kileleni mwa kundi A wakifuatiwa na wenyeji Misri huku Zimbabwe akishika nafasi ya tatu na Kongo wakiwa mkiani mwa kundi hilo.
