Pazia la ligi kuu Tanzania bara litafunguliwa leo ambapo mechi tano zitapigwa katika viwanja tofauti tofauti huku kila timu ikiahidi kufanya vizuri katika mechi hizo.
Namungo iliyopanda daraja msimu huu itakua nyumbani kuwakabili ndanda ya huko huko Mtwara katika uwanja wa Majaliwa huku Kagera sugar watakua na kibarua kigumu mkoani Mara mbele ya Biashara Fc na timu ya Polisi Fc iliyo chini ya Selemani Matola itawakaribisha Coastal Union.
Pia kwa upande wa kanda ya ziwa Mbao Fc watakipiga na Alliance Fc mechi inayosubiriwa kwa hamu na mashabiki wa soka mkoani humo ikizingatiwa timu zote zinatokea eneo la Ilemela jijini humo.
Timu kubwa katika ligi zitacheza wiki ijayo baada ya kuwa na mechi za kimataifa ambapo Kmc jana ilitolewa rasmi katika michuano ya kombe la shirikisho huku Yanga na Azam zikitupa karata leo na kesho Simba itawakaribisha Ud songo katika michuano ya Klabu bingwa Afrika.
