14
Kocha mkuu wa Simba Sc ,Sven Vanderbroeck amelalamika kutokana na ratiba ya ligi kumbana kwa sasa wanatakiwa kujiandaa kikamilifu kwani kwa siku nane kuanzia jana watakuwa na mechi tatu za ligi ambazo ni ngumu kwao.
Sven amesema kuwa mechi hizo tatu zitamnyima muda wa kukaa na wachezaji wake kwa ajili ya kufundishana na kurekebisha makosa ambayo watakuwa wamefanya kwenye mechi zao za nyuma ikiwa na kuruhusu mabao kwenye lango lao.
Mechi ya kwanza katika siku nane walizonazo Simba ni dhidi ya Namungo Fc ya Lindi ambayo walicheza jana na kuondoka na pointi tatu baada ya hiyo itapambana tena Februari Mosi dhidi ya Coastal Union kisha mechi yao ya mwisho kwenye mzunguko wa kwanza itakuwa Februari 4 dhidi ya Polisi Tanzania.
