Viungo washambuliaji wa klabu ya Yanga sc Stephane Azizi Ki na Pacome Zouzoua wamezua hofu kuelekea mchezo dhidi ya Simba kutokana na majeraha ambayo waliyapata katika mchezo uliopita dhidi ya Singida Fountain Gate Fc.
Baada ya mchezo huo kumalizika mastaa hao wote wawili walionekana wakitoka uwanjani wakiwa wanachechemea na kuzua hofu kuhusu kuwepo katika mchezo wa Novemba 5 dhidi ya Simba sc utakaofanyika katika uwanja wa Benjamin Mkapa.
Mastaa hao kwa pamoja wamefunga jumla ya magoli tisa ya ligi kuu ambapo Ki amefunga mabao sita na Pacome akifunga mabao matatu wakitengeneza safu ngumu ya ushambuliaji ya Yanga sc ambapo viungo hao wamekua moto wakishirikiana na Maxi Nzengeli.
Mpaka sasa bado haijajulikana ukubwa wa majeraha ya viungo hao wanaotegemewa katika kikosi hicho ambapo ripoti ya daktari wa klabu hiyo Moses Etutu ndio itaamua kuhusu uwepo wa mastaa hao kikosini.
