Klabu ya Al-Ahly imethibitisha kuwa Mlinzi wao wa kushoto mwenye magoli 50 katika klabu hiyo Ali Maaloul aliyeukosa mchezo dhidi ya Simbaa sc jijini Dar es salaam amerejea kwenye kikosi hicho Kuelekea mechi ya marudiano ya AFL dhidi ya Simba huko Misri,
Pamoja na staa huyo pia klabu hiyo imethibitisha kuwa Emam Ashour nae atakuwa seheme ya Wachezaji watakaoitumikia klabu hiyo kwenye mchezo huo ujao wa AFL dhidi ya Simba sc utakaofanyika nchini humo.
Pia klabu hiyo imetangaza kwamba mshambuliaji wao mpya ambaye amewahi kucheza ligi kuu ya Ufaransa na Ujerumani Anthony Modeste ambaye hakuweza kusafiri na wenzake kwenda nao Dar es Salaam kwenye mchezo wa awali wa AFL dhidi ya Simba Kutokana na Masuala ya Kiafya kwa upande wake, nae amerejea kwenye kikosi Kuelekea mechi hiyo.
Simba sc itakua na wakati mgumu kuwadhibiti waarabu hao katika mchezo wa marudiano nchini humo kutokana na ugumu wa timu hiyo hasa inapokua mbele ya mashabiki wake huku matokeo ya awali ya 2-2 yakiwapa nguvu wenyeji.
