Arthur Melo amesaini kandarasi ya miaka 5 Juventus hadi 2025 akitokea klabu ya Barcelona baada ya klabu hizo kuamua kubadilishana na Miralem Pjanic akielekea upande wa Barcelona.
Kiungo huyo amekamilisha dili hilo ambapo tayari kashapimwa afya huku upande wa Miralem Pjanic huko ukiwa katika hatua za mwisho kukamilika huko Barca.
Kinda huyo licha ya kukamilisha usajili huo ataendelea kusalia Barca akishiriki michuano ya La liga na Uefa mpaka mwishoni mwa msimu ndio atajiunga na vibibi kizee cha Turin ambapo alikamilisha vipimo vya afya siku ya Jumapili alipopaa kuelekea Turin baada ya mchezo dhidi ya Certa Vigo alioingia kipindi cha pili.
Inadaiwa uhamisho huo umeigharimu Juve kiasi cha paundi 72milioni huku ule wa Pjanic ukiwa na thamani ya paundi 60 milioni.
