Mastaa wa klabu ya Simba sc wamerejea kambini tayari kwa maandalizi ya kujiandaa na michuano ya kimataifa ambapo wanatarajiwa kuwavaa Asec Mimosa siku ya Novemba 25 itakayofanyika katika uwanja wa Benjamin Mkapa jijini Dar es salaam.
Idadi ya wachezaji wengi waliohudhuria mazoezi hayo wengi ni wale ambao hawajaitwa katika timu zao za taifa na wameingia moja kwa moja katika mazoezi ya gym kwa ajili ya kurejesha utimamu wa mwili.
“Wengi wamerudi leo kwa ajili ya mazoezi ya gym ambayo yamefanyika katika hosteli zetu zilizopo mbweni jijini Dar es salaam tayari kujiandaa kwa ajili ya michuano ya kimataifa ambapo tutawavaa Asec Mimosa katika dimba la Benjamini Mkapa”Alisema Ahmed Ally Meneja habari wa klabu ya Simba sc.
Timu hiyo mbali na kurejea mazoezini pia ipo katika mchakato wa kumtafuta kocha mpya kwa ajili ya kuifundisha klabu hiyo baada ya kuachana na kocha Roberto Oliveira ambapo kwa mujibu wa Meneja wa Habari wa klabu hiyo ni kwamba wiki hii kocha huyo atatambulishwa rasmi.
