63
Timu ya Taifa ya Tanzania(Taifa stars) kesho itashuka uwanjani kupambana na Sudan katika mchezo wa kuwania kufuzu fainali za mataifa ya afrika kwa wachezaji wa ndani zitakazofanyika nchini Cameroon mwaka 2020.
Mchezo huo utafanyika katika uwanja wa taifa jijini Dar es salaam huku katika maandalizi ya mchezo huo kocha wa stars aliita wachezaji 25 huku akiwaacha makipa tegemeo wa Simba sc Aishi Manula na Benno Kakolanya.
Stars ikishinda mchezo huo itajiweka katika mazingira mazuri ya kufuzu fainali hizo ikizingatiwa mchezo wa marudiano unaweza kufanyika nchini Rwanda kufuatia hali ya usalama nchini Sudan kutotengemaa.
