Mshambuliaji wa Mbeya City Fc Eliud Ambokile amejiunga na wababe wa soka la Afrika kutoka Kongo Tp Mazembe kwa mkataba wa miaka mitatu akitokea Black Leopard ya Afrika ya Kusini alipokua anacheza kwa mkopo.
Inadaiwa klabu hiyo ambayo ni mabingwa mara tano wa klabu bingwa Afrika wamelipa takribani shilingi milioni 50 ili kupata saini ya mshambuliaji huyo mfupi mwenye nguvu na kasi anayetumia vizuri mguu wa kulia.
Ambokile amesajiliwa na Tp Mazembe ili kuziba nafasi ya mshambualiaji Ibrahim Ajibu ambaye walitaka kumsajili lakini walishindwana maslahi binafsi na mchezaji huyo huku taarifa zikidia tayari mchezaji huyo alikua na mkataba na Simba sc.
Inatarajiwa Ambokile ataanza kuonekana na Mazembe katika michuano ya kombe la Kagame yatakayofanyika Kigali nchini Rwanda ambapo Mazembe watakua wageni waalikwa.
