Tuzo Za Mo Kupigwa Stop

Uongozi wa klabu ya Simba umeahirisha ugawaji wa tuzo za Mo kama walivyofanya misimu miwili iliyopita kutokana na muda kutokuwa rafiki kwao.

Mwenyekiti wa Bodi ya wakurugenzi Simba Sc, Mohamed Dewji ‘Mo’ amekuwa na utaratibu wa kuwapa tuzo wachezaji wa kikosi hicho pamoja na viongozi wa benchi la ufundi katika misimu miwili mfululizo iliyopita kutokana na kutambua mchango wao.

Arnold Kashembe ambaye ni katibu mkuu wa klabu hiyo amesema  kutokana na kipindi kile cha Corona ligi ilivyosimama takribani miezi mitatu, baadhi ya wachezaji walibaki kambini, hivyo kwa sasa wanahitaji kupata mapumziko mafupi kabla ya kuanza msimu mpya, pia wanahitaji kujipanga kwa ajili ya msimu ujao.”