Beki tegemezi wa klabu ya Yanga sc Dickson Job amefungiwa na shirikisho la soka nchini kupitia kamati ya tathmini ya michezo ya bodi ya ligi kuu nchini kwa kosa la kumkanyaga kiungo wa Mbeya city Richardson Ng’odya wakati wa mchezo wa ligi kuu uliofanyika uwanja wa Mkapa jijini Dar es salaam.
Katika mchezo huo ambao uliisha kwa suluhu Job alimkanyaga Ng’odya kwenye mbavu wakiwa katika harakati za kugombania mpira na mwamuzi alisimamisha mpira na adhabu ya faulo ikatolewa na ndipo kamati hiyo ikajiridhisha na kuamua kutoa adhabu hiyo kwa mujibu wa kanuni ya udhibiti kwa klabu 41:5(5.3).
Kutokana na adhabu hiyo Job atakosa michezo mitatu ambayo itakua dhidi ya Biashara United mchezo wa kombe la shirikisho kisha atakosa mchezo wa ligi dhidi ya Mtibwa Sugar na pia mchezo wa nyumbani dhidi ya Kagera Sugar.
