Kiungo Cletous Chama anaweza kujiunga na klabu ya Yanga sc wakati wowote kuanzia sasa baada ya kukubaliana maslahi binafsi na klabu hiyo huku mpaka sasa mazungumzo yake na klabu ya Simba sc yakiwa hayajafikia muafaka wa kuendelea klabuni hapo.
Mpaka sasa licha ya kukubaliana na Yanga sc kuhusu mshahara na dau la usajili bado kiungo mshambuliaji huyo hajasaini akisubiri majibu ya mwisho kutoka Simba sc ambao wana mgawanyiko mkubwa kuhusu kumuongezea mkataba kiungo huyo kutokana na bosi mkubwa wa klabu kuhitaji kusajili damu changa klabuni hapo badala ya kumng’ang’ania staa huyo mkongwe.
Pamoja na bosi huyo kuonyesha kutomhitaji Chama bado bosi mmoja ambaye ni anashughulikia masuala ya timu moja kwa moja anamhitaji mchezaji huyo kuendelea kusalia kikosini humo kwa miaka miwili zaidi japo inakua ngumu kwake kukamilisha dili hilo kutokana na ukweli kwamba yeye haidhinishi pesa za usajili.
Chama msimu huu pamoja na klabu ya Simba sc kutokua na kikosi kizuri amejitahidi kuisaidia timu hiyo akifunga jumla ya mabao 7 na kusaidia upatikanaji wa mabao 6 katika ligi kuu nchini.
