Meneja wa wachezaji ,Jamal Kisongo amempa ushauri beki wa Coastal Union ya Tanga ,Bakari Mwamnyeto kuwa wakati huu ni kwa yeye kujaribu bahati yake kwingine ili kupata changamoto mpya.
Kisongo alisema kuwa nyota huyo ni mchezaji mzuri na hapaswi kuchezea kiwango chake cha sasa bali akitumie kama fursa ya kutoka alipo na kwenda kwingine kwa ajili ya kutafuta mafanikio zaidi.
“Mwamnyeto ni mchezaji mzuri na anajitambua hivyo anapaswa asichezee fursa zitakazotokea hata kama ni nje ya nchi awe mtulivu kufanya maamuzi sahihi yatakayomsaidia baadaye”alisema Kisongo
Beki huyo wa timu ta taifa ya Tanzania anahusishwa na klabu ya simba na Yanga lakini bado hajasini kokote na viongozi wake wamesema hivi karibuni kuwa timu inayomtaka ijitokeze na kupeleka ofa japo aliwahi kunukuliwa akisema huenda msimu ujao akacheza katika moja ya klabu zitakazoshiriki ligi ya Mabingwa Afrika.
