Mshambuliaji wa klabu ya Azam Fc raia wa Congo DRC Idrissu Mbombo anatarajiwa kuwa nje ya uwanja kwa muda wa wiki tatu baada ya kubainika kuwa anasumbuliwa na majeraha ya mguu aliyoyapata katika mchezo dhidi ya Mashujaa Fc uliofanyika mkoani Kigoma Novemba mosi mwaka huu.
Staa huyo alionekana kuimarika baada ya kupata maumivu hayo ambayo kwa wakati huo hayakua serious lakini sasa anapaswa kupata matibabu zaidi baada ya vipimo kuonyesha kuwa ana shida kubwa katika mguu wake.
“Baada ya hapo aliendelea vizuri na programu za mazoezi na wachezaji wenzake ila alijitonesha tena sehemu ya goti lake wakati wa mchezo na Ihefu kule Mbeya hivyo tulimfanyia vipimo na kugundua ni jeraha ambalo ni siriasi kidogo,” alisema Mbaruku Mlinga ambaye ni Daktari wa klabu hiyo.
Mlinga aliongeza baada ya vipimo vya awali imegundulika atakuwa nje kwa wiki tatu huku akiwa kwenye uangalizi mzuri wa madaktari.
Mbombo amekua mchezaji tegemeo katika eneo la ushambuliaji la klabu hiyo tangu asajili akitokea El Gouna Fc ya nchini Misri Julai 2021.
