Kocha mkongomani wa Yanga Mwinyi Zahera amewashangaa viongozi wa timu hiyo kuanza mazungumzo na Mshambuliaji Ibrahim Ajib ili kuongeza mkataba wa kuitumikia klabu hiyo ya Jangwani baada ule wa awali kufikia kikomo msimu huu.
Kocha huyo mwenye misimamo mikali ambaye mbali ya kuifundisha Yanga pia ni kocha msaidizi wa Timu ya Taifa ya Kongo amesema kuwa mshambualiaji huyo hayupo katika ripoti ya wachezaji anaowahitaji kwa msimu ujao kwani alijua anajiunga na Tp Mazembe hivyo hamhitaji kikosini hapo na hata kama hajajiunga na wakongomani hao.
Zahera ambaye amekua akikubali kipaji cha Ajib na kumshangaa mchezaji huyo kuendelea kuwepo Tanzania ni kocha muumini mkubwa wa nidhamu kwa wachezaji wake huku akiifanya Yanga kuwa timu kali licha ya kuwa na kikosi cha kawaida na hali ngumu ya kiuchumi.
