Mshambuliaji wa Yanga sc Mganda Juma Balinya (JB) ni kama ameuwasha moto huko kambini Morogoro ambako kikosi hicho kimeweka kambi ya kujiandaa na msimu wa ligi kuu na michuano ya kimataifa ambayo kikosi hicho kitashiriki.
Balinya aliyetoka kuwa mfungaji bora wa ligi ya Uganda ameuwasha moto ambao kuuzima inabidi mabeki wa ligi kuu itabidi wajipange kwani kuanzia mazoezini mpaka kwenye mechi anachokifanya mshambuliaji huo ni kufunga tu hali iliwafurahisha benchi la ufundi na mashabiki wachache wanaojitokeza mazoezini hapo.
Balinya alianza kufunga katika mchezo wa kirafiki dhidi ya Tanzanite fc na baadae jana asubuhi alifunga tena katika mchezo wa kirafiki dhidi ya Moro Kids huku mazoezini ndo akitupia kila siku.
Kwa upande wa Kalengo aliyeanza na moto kama wa Balinya lakini alipata maumivu ya kifundo cha mguu hali iliyomlazimu kukaa nje kupata matibabu ili kuwa fiti huku Sydney Ulikhob yeye amechelewa kuripoti hivyo anahitaji muda kidogo ili kurudi katika utimamu wa mwili.
